Maybelline 新出「Hyper Tightliner」海綿頭眼線液 review

Maybelline 早前推出咗第 1 支以人體工學為概念嘅「超銳目15°海綿頭眼液 Hyper Tightliner」，個 15° 弧度外型設計都幾特別架，一望就認到，唔知大家經過專櫃有冇留意到呢?~ 

而呢個 "革命性 15 度角轉向筆尖" 設計，其實係為咗配合眼睛弧度，令畫眼線嘅時侯唔使郁動手腕去遷就眼睛弧度、畫到手震震咁，同時海綿頭筆尖質料亦能夠深入填補睫毛間嘅空隙，設計概念係好抵讚! 👍🏻

至於效果如何? 又等我好快做次精要 review 啦~

首先，如題佢係一支眼線液筆，如不喜歡用 liquid eyeliner 就可以不理了。

而我係習慣用眼線液的，特別係上年紋咗眼線之後就更加愛用，亦認為眼線液比眼線筆防溶度更好、畫後雙眼更精神更 sharp、填補睫毛空隙更輕易，更只係冇眼線筆 / 眼線膏效果咁 soft 咁自然咁解。

Liquid eyeliner 有分毛筆頭 / 海綿頭筆尖呢點大家知，如喜歡幼身眼線效果就應該揀毛筆頭，筆尖會更幼細。至於呢支海綿頭「Hyper Tightliner」效果係較粗身的，畫時非常流暢，弧度設計配合眼睛弧度，容易畫到直線，顏色亦夠飽滿，屬實色漆黑色效。

$95 @ Maybelline 

(trial product given by Maybelline)

防溶度係算 ok 的，同 Maybelline 平時支金蓋及紫蓋 Hyper Sharp 眼線液差唔多，都能夠 last 到一日唔溶妝，而且不易化開~

唯一略嫌佢個海綿頭滲出的顏料比較多，畫出嘅眼線唔夠幼身，於是乾嘅速度相對較慢啲啲，眼水多嘅人防溶度方面要打個折了。

以海綿頭眼線液計，呢支「Hyper Tightliner」已經唔算好粗身，但亦唔屬於幼，所以較適合內雙眼皮 / 單眼皮 / 喜愛粗身眼線的人用 →