唔知大家有無留意早前消委會有關市面上 N 款洗頭水 / 護髮素，含有過量致敏或致癌化學物嘅報道呢?
經過呢單報道之後，有唔少人都開始轉用天然有機護髮系列，當係貴少少買個保障。
之但係掛上 "天然有機" 四個字，係咪就代表一定係零化學物? 我自己就認為未必喇，除非你响買之前會逐個成份去認真 check，甚至係查成份字典，否則都係零保障。
雖然唔係話一定要用有機，但如果你一心俾貴價係想買天然有機產品，但換返嚟原來唔係全自然，咁就蝕咯......
今次就介紹一款剛到 HK 嘅意大利全天然有機洗髮護髮牌子「OWAY」俾大家，等各位可以有多一個選擇啦~
雖然係初嚟 HK，但其實佢已經有 15 年歴史!
2003 年嗰陣仲要攞埋全球第 1 個於所有產品中使用 "生物動力有機萃取物" 為主要原料嘅專業美髮品牌，絕對係有機髮品界一哥!
OWAY 官網:
Facebook 專頁:
一個美髮品牌可以勁到揚名世界，當然唔單止係靠天然有機咁簡單啦! (呢類品牌多的是)
「OWAY」最出名嘅係結合咗 "自然與科學"，採用領先萃取科技令原料於生產過程中保持養份及純淨度，唔會响加工過程中變質，所有產品更含有世界唯一的 "生物動力證書" (Demeter Certification) 認證的藥性植物萃取及精油成份，仲獲 ISO9001 及 ISO22716 品質認證，地位非凡。
✖︎ SLS / SLE 起泡劑
✖︎ PARABENS 防腐劑
✖︎ 人造色素
✖︎ 刺激性化學物質
多產品類別 + 有功效 + 不傷頭皮，响業界甚至被譽為 "髮品界林寶堅尼"~
講到產品類別方面，「OWAY」嘅產品種類亦係多到你唔信!
有日常頭髮頭皮護理系列、保濕滋養系列、鎖色亮采系列、豐盈活力系列、捲髮彈力系列、柔順毛躁系列、極緻絲柔系列、頭皮平衡處方、溫和舒敏處方、清爽淨化處方、濃密激活處方、造型產品、連染髮產品都有!
多到呢! 😳
Total 有成幾十件產品，多到眼花撩亂唔識揀，所以最好都係去佢 website 慢慢睇~
「OWAY」除咗致力提倡零毒害之外，所有產品仲採用 100% 循環再用包裝設計，無任何毒素溶解物，亦提倡大家將用完嘅玻璃樽循環再用，夠環保~
btw 今次去發佈會的衣着，遠睇以為好靚咁 →
實際係 "觀音頭掃把腳"，之前拗柴腳傷未癒，今個月大部份時間都係著拖鞋外出 😅
發佈會內仲可以一齊種植吓小植物返屋企擺 →
呢棵就係我嘅檸檬草喇~ 😘
至於用後感方面 →
(左至右)
Smoothing Hair Conditioner 柔順防毛躁護髮素
Silk'n Glow Serum 極致絲柔護髮精華
Glamshine Cloud 瞬間亮采噴霧
Soothing Hair Bath 溫和舒敏浴髮乳
(trial products given by OWAY)
Soothing Hair Bath 溫和舒敏浴髮乳 →
選用最天然無害的潔淨劑，溫和淨化而不刺激皮膚，具強效抗炎作用，並能提高頭皮的天然防禦力，成人及 3 歲或以上的小童亦能使用。
活性成份：
生物動力茴香精油、生物動力蠟菊、生物動力洋甘菊純露、有機蘆薈、有機莧菜萃取物
有機洗頭水我曾經都試過好多，大部份都會有一個共同點，就係因為無加入化學起泡劑，所以洗頭嘅時候總係覺得唔夠暢快，同埋會唔夠滋潤。
而呢支「OWAY」比我嘅感覺亦係差唔多，但洗完頭後的清新感就比其他牌子更明顯，仲有一陣清香嘅茴香精油氣味~
同一系列護髮素 "Smoothing Hair Conditioner 柔順防毛躁護髮素" →
呢支用完頭髮好柔滑!
效果比其他牌子有機護髮素更保濕順滑，值得推介~ 👍🏻
Silk'n Glow Serum 極致絲柔護髮精華 →
如真絲一般注入頭髮纖維，從深層注入營養於頭髮纖維 + 拋光頭髮表面，為毛躁及暗啞髮質修復不規則的角質層深層修護頭髮。
活性成份：生物動力燕麥萃取物、有機古布阿蘇黃油、人道採購巴西堅果油
呢支 serum 認真勁!!!! 😍
雖然係唔平 ($390 / 30ml)，但如果屬於經常漂染 / 頭髮極乾旱 / 開叉雜草頭之類的話，咁就一定要試試，一定唔會後悔! 勁過晒市面上所有出名嘅髮尾油呀!!
從來未試過一支有佢咁勁咁好!! 用完把頭髮真係 silky 好多!! 仲要一啲都唔油膩~
口講無憑，睇吓相先 →
大家都知我經常漂染轉髮色，頭髮似雜草係一定的了，每晚唔用過髮尾油都唔敢吹頭。
用咗 Silk'n Glow Serum 之後 →
無需多講了吧~ ❤️
摸上手嘅手感真係好似絲一樣!
雖然望上去唔似講到咁誇張，但摸上去的而且確係有咁誇張!
而最後嘅「Glamshine Cloud 瞬間亮采噴霧」→
又係俾我呢類頭髮極度乾旱、零光澤感嘅枯燥髮質用嘅~
同水一樣咁稀身嘅質地，噴 2-3 下上個頭撥幾撥就得，完全唔會覺得重身或者油膩~
呢個係剛剛搽完 Silk'n Glow Serum 嘅樣 →
其實我已經覺得效果好好，係缺少咗啲光澤感啫.....
點知噴埋支 Glamshine Cloud 後，光澤感直頭係返晒嚟，把頭髮好似重生一樣!
都咪話唔勁! 👏🏻
撥幾撥頭髮乾咗之後嘅樣 →
仍然係好柔順有光澤~ 😍
第一次嘗試「OWAY」嘅頭髮產品，估唔到係咁有驚喜!
下次再試吓佢其他產品先~~ 😚
沒有留言:
張貼留言