Makeup Secret: 寶藝水感新肌黑凍膜 Review

之前舖頭做 promotion，咪有呢盒新出「黑凍膜」 50g sample 送嘅~

送左一排之後，開始有熟客問試完 sample 覺得好好喎，有冇得賣 full size?

我純粹係見有新 sample，就送俾大家試用咁，當刻又冇諗過入貨呢點喎，我見代理又冇 sell 我 (後尾先知原來係因為缺貨)。之後見愈來愈多人問，我先醒覺係咪真係咁正呢? 即刻自己試盒 sample 先!

試完一次，我明喇，再睇價錢，得喎百幾蚊! 平靚正! 想立即訂貨，可惜冇貨。

等左成個月，上星期終於到貨~

一早已託同事今個月返貨時留 1 盒俾我自用~~

寶藝 mask 有咁多款，邊款最好?

個人認為「酵素冷膜」收毛孔係最強、「蛇毒胜肽冷膜」就增強皮膚彈性 + 抗皺效果好 d、而「紫水晶」就美白最掂，主要視乎自己想要咩效果去揀~

咁呢款「寶藝水感新肌黑凍膜」同其他寶藝 mask 又有咩唔同?

佢係透過獨創小份子加壓概念，將成份加壓滲透至肌底，於短時間內深層清潔毛孔，同時淨化累積於毛孔內個 d 小份子污垢，仲可以改善油脂分泌，可以話係 "清潔 + 收毛孔最強"。

當然都會有其他 bonus 效果，roll down 望望就知喇~

新上架優惠 $158 / 250g @ http://makeupsecret.com.hk/products/

銷售點 :

Makeup Secret

專業化妝課程 ● 化妝服務 ● 化妝品零售

香港九龍尖沙咀廣東道 116-120 號海威商業中心 12 樓 B 室

(港鐵站A出口, 位於 Apple Store 旁邊)

星期一至五 1:00pm - 9:00pm / 星期六 12:00noon - 8:00pm (逢星期日休息)

查詢電話: 2311 9682

歡迎親臨店舖購買、或 click 入 Facebook 專頁透過 Inbox 訂購 (順豐速遞, 運費自付): https://www.facebook.com/makeupsecret.hk/

取名叫「黑凍膜」，佢真係黑色嘅 ^^ →

屬黑色凝膠質地，內含高級孟宗竹所燒製成的竹碳粉，不含人工色素。

用法同其他寶藝 mask 一樣，厚敷 30-45 分鐘後，用盒內附設的刮棒撥走面膜，再洗面。可每星期敷 1 次。(必需厚敷至 0.5cm 厚度)

before & after →

首先我個粒谷左幾日紅紅腫腫、又痛又冇膿頭嘅暗瘡..... 敷完 mask 後即刻熟左! 掂! 唧得!

而面珠毛孔就收細左，冇咁顯眼，整體膚色好明顯白淨左 + 均勻左，冇咁一達達，鼻翼位偏紅問題有顯著改善，鼻頭鼻翼 / 下巴 d 粉刺又消失左好多~

產品指對有黑頭粉刺 / 痘痘 / 油性肌功效特別好，但其實我 dry skin 用效果都唔錯喎! 勝在敷完唔乾，唔會好似 clay mask (清潔泥膜) 咁敷完會乾到爆紋，同埋有 d 人係對泥膜過敏的。

遠返少少睇，感覺塊面真係好乾淨! →

上個月試用完 1 次，已經明白點解班熟客會叫我入貨，其實盒「黑凍膜」唔係話有咩特異功能，但佢就真係可以吸走阻塞毛孔內積聚 d 污垢，敷完係前所未有咁乾淨，好有 "淨肌 feel"~

至於粒暗瘡後來唧完、3 日後連印都消失得七七八八了~

想皮膚靚、護膚品吸收得好，最重要一步必定係要毛孔夠乾淨~

大家知而家科技發達，d 底妝品份子做得愈來愈細 (所以愈來愈貼面)，卸妝都未必 100% 清到，"目測" 都唔會見到毛孔裡面有冇污垢 / 有冇塞住啦，所以真係要著緊清潔呢 part，唔好以為睇唔到污漕就等於乾淨呀!

(btw 強力建議卸妝用「Fancl 納米卸妝油」，納米份子夠細，一定比其他更深層、更乾淨)

而要深層清潔毛孔或去粉刺，方法都有好多種，例如用清潔泥膜 / 果酸護膚品 / 洗面機 / 磨砂 / 導出機之類都得，不過如果皮膚薄 / 易敏感 / 皮膚乾就唔太適合喇 (即係我)。

所以你見我都好少用呢類產品，唔係唔用，但絕少用，都係用溫和 d 的產品好~

Makeup Secret