2016年7月18日 星期一

激掂!! 日本 Menard FairLucent Whiter Essence 美白淡斑精華

半年時間由左圖變右圖,到底做過 / 用過 d 咩?



1. 打過 3 次 laser 淡斑 (包括雀斑 + 產後荷爾蒙斑)

其實仲未打完,不過休一休先,唔想打咁密。第 1-2 次打 laser 係上年,最後一次係 3 月。

2. 打過 3 次 HIFU

係 firm 了好多,認為已經足夠,2-3 年內不考慮再打。不過 firm 還 firm,每朝早起身仍難免會水腫,要靠自己以家用機按摩幫手消水腫,想 keep 住 firm 就唔懶得~

3. 用過的美白提亮膚色 skincare 

Phyto-Lab B3 份子酊精華
水感肌水光針精華
韓國 Dr.Johom 精華
韓國 BANO 日夜霜 + 精華素

以前我認為自己皮膚乾,一直愛用滋潤質地的 skincare。但自從半年前改用上述幾件細份子 skincare 後,發覺反而膚色 + 膚質更有明顯改善,因而扭轉了揀護膚品的 concept,而家係主揀細份子護膚品~


下圖係 7 個月前打完 2 次 laser 個樣 →

其實已清了一半斑,不過都仲係清唔晒,同埋塊臉真係好重黃氣! 仲會乾到出油.....


用了上述 skincare 後,膚色同膚質無錯係已經明顯 upgrade 左,不過有時去到一個盡頭,就真係好難再上,而且色斑始終難減,我又唔想打咁多 laser..... (係清到大部份斑,但始終對皮膚帶破壞性)

至於淡斑精華,大家睇我個 blog 咁耐都知我已經試過 N 支,極其量只能表層減印,深層淡斑就冇可能,因為個份子根本未至於細到落到咁深層,荷爾蒙就更加冇可能改善,否則就唔使打 laser....

反而之後用過最勁係呢支「日本 Menard FairLucent Whiter Essence 升級版透白精華」! →

就係上次 facebook live video 內提過個支~

又話 d 淡斑美白精華滲唔到咁深層?

冇錯係,但呢支唔同,佢係份子仲細過納米的 "液體精華" 呀! 

細過納米咁高科技我都係第 1 次見,而且佢仲榮獲日本衛生部厚生省官方認可為 "擁有顯著美白功效的護膚品" + 日本 VOCE 化妝雜誌嚴選為 "今季最佳美白產品"!


呢支精華已經推出好幾個月,而我一直冇推介佢係有段故仔......

好多客人知道我有賣 Menard 產品,問我點解唔入呢支? 話佢地早於專櫃買了覺得勁好用 (咦? sell 返我轉頭喎? haha)。其實係因為佢初初新出時,我第 1 次試用後敏感呀.....

Menard 品牌知道之後好緊張,即刻約我食飯探討原因。

我就問專櫃賣出咁多支,有冇客用完話敏感? (回答係冇,即係得我敏感??)

結果搵出 "原兇" 係因為..... 我剛剛打完 laser 唔夠 2 星期就試佢,皮膚當時太脆弱,而佢成份又咁強效、份子又細過納米,當然會吸收到好底層,對我打完 laser 後的脆弱肌來講太勁。

ok.... 明白左,唯有隔一排再試。

打蛇隨棍上,我再問點解呢支精華咁貴?

雖則我明白一分錢一分貨,有效的話貴少少我都願意俾,但賣就唔同,始終成本貴嘛。

Menard 解答話,其實大家都知 skincare 份子愈細,滲透性就一定愈高、愈落到肌底、效果就愈強,但講到要研製出比納米更細的份子? 呢個科技就唔係間間做到,除了要解決難控制的成份穩定性、研製時間長之外、成本亦好貴,Menard 都鑽研了 26 年幹細胞美白淡斑、去到而家第 5 代先做到。


的確,市面上係好少見有 "液體精華",大多精華素都係 gel / 乳液質地。

再加上呢支精華內有能減少黑色素活躍度及生長速度的 "專利成份 Alaria 海藻精華" + 有效抑制黑色素細胞生長的 "珍貴白神酵母精華" + 皇牌獨有雙倍美白 APM 配方 (高穩定性精純維他命 C 衍生物)。

3 種強效美白淡斑成份,再配合先進納米生化科技研製,將精華帶至肌底高效分解黑色素活性,所以研製 + 成份方面已經落重本,售價相對不會太便宜。

液體亦有液體的好處,就係每次用幾滴已經夠,較省量 →

諗深一層..... 平常幾百蚊支精華只得 30ml 左右,呢支就有 100ml.....

其實計落又好似唔係太貴喎!


作用主要係美白 + 淡斑,我後來乖乖等到打完 laser 一個月後再試 →

的確又真係冇再出現敏感情況! (即係之前過敏係關 laser 事)

我跟同事一齊試,"成份精" 男同事 Edmund 弱敏肌底,只敢用 1 滴搽眼皮 / 眼底,佢話唔夠 2 日已經見到白左! 係咁問我覺唔覺? (冇留意你喎 baby hahaha)

我就因為年紀始終比佢大咁多,色斑 / 膚色一定比佢差,所以用到第 2 星期先見到有改善,用了 3 星期後,成果係有目共睹,眼尾荷爾蒙斑真係淡左!

之前打完 laser 都冇咁淡,而家係進一步減淡左,膚色亦白左~


近睇都可以見到黑色素少左,冇咁啡色一達達 →

用法:

由於含酵素及強效美白成份,必需先用爽膚水 / 精華水加強補濕度後,先可再用呢支精華。可局部拍 2 滴於色斑 / 雀斑位上,或倒入化妝棉全臉印上,吸收後再搽其他補濕品。

(不適合孕婦 / 濕疹肌 / 剛打完 laser 或破損性療程的弱敏肌)

講到好勁,想知自己用唔用到? 好簡單,拍 2-3 滴 tester 於下巴位 or 額位 or 觀骨位之類,如果會過敏係秒速知,納米滲透快到冇人有。

(圖中膚色泛紅係因為我剛剛用毛巾洗臉捽紅左)


呢支用後激快變白!

唔想臉 x body 變兩截色,強烈建議唔好慳,倒多幾滴搽埋手臂、膊頭、頸,反正都係幾滴仔~


專櫃價 $900 / 100ml 

Summer Sale $798 @ Makeup Secret

銷售點 :
專業化妝課程 ● 化妝服務 ● 化妝品零售          
查詢電話: 2311 9682 

歡迎親臨店舖購買、或 click 入 Facebook 專頁 透過 Inbox 訂購 (順豐速遞, 運費自付): https://www.facebook.com/makeupsecret.hk/



18 則留言:

  1. laser 淡斑要休一休架? 我而家由本身隔3星期一次, 到而家每月一次, 打左8次了, 都見到冇左好多, 係米要隔番開D日子打呀? 隔幾耐好?

    回覆刪除
    回覆
    1. 頭幾次每 1 個月打 1 次都 ok, 之後可以隔耐 d 打都 ok, 打得太密反而唔係咁好, 我每隔 2-3 個月先打 1 次, 一覺得夠就應該停~

      刪除
  2. 请问尼支Menard FairLucent海外可以订购吗?

    回覆刪除
    回覆
    1. 抱歉現貨我只剩 2-3 支了, 呢支 Menard 專櫃都好暢銷, 向日本再訂都要等 2 個月, 缺貨中~

      刪除
  3. 有現貨嗎?星期六晚看完你live的重播,昨天立即去買了Clarins v lift ,同埋電眼精華,現在想買埋呢支美白精華,但用的次序是怎樣分呢⋯⋯ 可告知一下嗎?

    回覆刪除
    回覆
    1. 抱歉現貨我只剩 2-3 支了, 呢支 Menard 專櫃都好暢銷, 向日本再訂都要等 2 個月, 缺貨中~ 另外次序係先用爽膚水 / 精華水 → 呢支精華 → Clarins V 面精華 → 眼部精華 → 日霜 / 晚霜~

      刪除
  4. Isa ,我自己有做開微針,隔幾耐先用呢支精華會無禁易敏感?

    回覆刪除
  5. 用呢支精華可以同B3一齊用嗎?

    回覆刪除
    回覆
    1. 可以, 我都係用完佢後再用 Phyto-lab B3 精華~

      刪除
  6. 可以搽眼四周嗎?如可以應搽此精華先之後再搽EYE CREAM?
    另外應先搽肌底液再搽此精華,還是先搽此精華再搽肌底液?
    早晚都可以使用?還是只適合晚上使用?
    有暗瘡可以搽嗎?

    回覆刪除
    回覆
    1. 官方建議是不搽眼周的, 另外是應先搽肌底液再搽呢支精華, 可早晚使用, 有暗瘡都可以搽 (但不適合有傷口的暗瘡 / 或全臉都生緊好多暗瘡的皮膚)~

      刪除
  7. 是否可以減淡雀斑? 我找不到一隻真正可以減淡雀斑的產品.

    回覆刪除
    回覆
    1. 我都試過好多唔得,所以先去打 laser,而打完 3 次 laser 後都仲係未清晒,之後用過呢支反而斑斑淡色左,不過始終都唔會話清得盡,只能改善,但至少效果好過我以前用過那些過千蚊淡斑精華 (完全冇淡過)~

      刪除
  8. 如果用呢支,仲駛唔駛用以上介紹過既其他精華呀?

    Phyto-Lab B3 份子酊精華
    水感肌水光針精華
    韓國 Dr.Johom 精華
    韓國 BANO 日夜霜 + 精華素

    如想預訂是否也可享優惠價?
    Thank you

    回覆刪除
    回覆
    1. 我係每日仲用緊 Phyto-Lab B3 份子酊精華 / BANO 精華素 (我分開日夜用), 用於呢支 MENARD 之後, 因呢支冇乜補濕度, 純粹美白淡斑, 然後會再用 BANO 日夜霜,至於 Dr.Johom 精華我已經用完 2 套,而家就只係間中夜晚當急救保養用 (用時就唔搽呢支)~ 如果單用呢支會唔夠補濕, 點都要加多支精華先再搽面霜 (除非本身皮膚唔乾)~ 至於單用效果又有冇咁好的問題, 我自覺用完以上 4 款後毛孔係細左光滑左, 膚色提亮左冇咁黃, 但佢地就唔係強效美白產品, 只屬提亮 / 均勻膚色 / 去黃效果, 而美白淡斑就呢支 MENARD 勁 d, 所以可視乎自己對皮膚的 concern 去決定用唔用埋其他, 我都係每樣加入護膚程序去試的, 並唔係一次過堆晒幾支精華上臉~ 而預訂亦可享用優惠價, 不過提提你日本暫缺貨, hk 要等至 8 月中先有貨喔~

      刪除
    2. 謝謝你百忙中都咁詳盡的解答呀!! 明白哂~~ 等預訂消息~~ 謝謝!!

      刪除