Tangle Teezer Blow Styling 濕髮吹乾用神梳!

早幾年一直 keep 住短髮造型，每次洗髮後用手指撥幾撥，就能把頭髮吹乾，so easy~

直到今年把頭髮留長後，那種每晚吹頭的苦況又回歸，沖完涼又要搽 skincare、又要搽 body lotion、仲要吹頭吹咁耐，唔吹又怕會引起頭痛，好痛苦呀..... 

我只係中長髮，已經覺得吹頭咁辛苦，長髮的人就更慘烈吧?

不過自從用了 Tangle Teezer 呢把 Blow-Styling "吹頭神梳" 後，我而家晚晚都好 enjoy 吹頭 + 摸自己把頭髮!

絕對冇誇張，一用佢吹頭就會明顯 feel 到同普通髮梳有分別，高下立見!

之前一直冇介紹過，係因為佢初次返貨一眨眼就 sold out 了，似乎唔使 mention 都好多人識貨? 為免介紹完後大家買唔到，所以就等到今次返貨先推介~

英國 Tangle Teezer Styler 髮梳好用，就好多人都知，但它的 Blow-Styling "吹頭神梳"，香港就較少人提及，我也是睇完這個 video 被燒著入貨的 ^^

本來睇完官方呢 2 個 video，都有懷疑過係咪真係咁好用? 同普通髮梳又有乜分別? 單睇 video 當然感受唔到.....

直至有 blog 友見我有售 Tangle Teezer Styler，託我代訂這把 Blow-Styling，於是我又多訂了少量，順道自己試試。  

幾日之後，同事話把梳已經 sold out，叫我不如割愛將自己把梳放店內做 sample，我話.... 

"我係唔會犧性我把梳的!" hahaha~

同事碌大對眼 "真係咁好用??"

"簡直係神梳!"

不過是吹頭梳一把，可以有幾特別? 

濕髮時髮絲最脆弱，夾硬梳好易扯斷頭髮這點大家知。我未用呢把梳之前，每晚吹完頭都成地髮碎，全部係中間折斷那種，至少十幾廿條。

而這把由英國星級髮型師 Shaun P. 研製的 Tangle Teezer "Blow-Styling" 神梳，就專為濕髮吹乾、配合風筒使用而設。獨特的梳齒設計 + 防靜電功效，可以將濕亂髮絲一梳到尾不打結，更不會扯傷 / 扯斷頭髮，減少斷髮，撫平毛燥 (fizz)。

的確，我用了呢把梳後，而家每晚吹完頭望返地板，只會見到 2-3 條髮碎，斷少左好多! 

但咁都未完!

平時用普通梳吹濕髮，吹吹下把頭髮開始乾，把梳就會好難抓得實把頭髮，一邊吹就一邊飛 d 髮毛出來，髮尾永遠唔會聽話.....

而呢把 Blow-Styling 就可以一抓就抓起成把頭髮，抓得夠實、不會跣落、冇髮毛彈出之餘，吹完髮尾是乖乖的，你要佢向內彎就向內彎，想向外捲就向外捲，一梳到尾，超易控制! 

真係冇技巧都可以吹出 salon 級造型! 爽爆~

而且每次用佢吹完頭後，把頭髮竟然會變得柔滑、跣手、冇毛燥、有光澤!!!

所以因為佢，我而家超鐘意吹頭後猛摸自己把頭髮~

不過，優點仲未完!

其實佢最強的是.....

我測試過好多晚，用佢吹頭，濕髮變乾速度真係比用手指 / 普通髮梳 (如捲梳、類似的板梳)，快乾接近一倍!

於是就無需再花長時間慢慢吹頭喇~

果真是一分錢一分貨，唔怪得被稱為英國皇室殿堂級神梳! 而且獨特的材料也能抵受高溫熱風，不會用得耐而變形，有排用~

用過一定唔會後悔那種! 等我過 2 日再親身拍個 video 示範佢有幾好用~

Size 方面，本身有分大細 size (大 : full paddle $270 / 細 : half paddle $240)，我用的這把為細 size →

認為女仔手 size 不大，用細 size 會更易於控制及造型，尤其對初用者更易掌握，所以亦沒入大 size。

其實所謂細 size 亦一 d 都唔細把，已經好夠用，跟大 size 也不過相差 2cm 高度 / 1cm 寬度，差距好微~

售賣點 : Makeup Secret

專業化妝課程 ● 化妝服務 ● 化妝品零售          

查詢電話: 2311 9682 

http://makeupsecret.com.hk/products 

歡迎親臨店舖購買、或 click 入 Makeup Secret Facebook 專頁 透過 Inbox 訂購 / 查詢

其他貨品項目及優惠: http://makeupsecret.com.hk/products