日本 Mizuho Brush 人手製化妝掃套裝 *新 set*

代理咗日本「Mizuho Brush」化妝掃咁多年，佢 quality 當然係好先可以存活到今時今日啦~ 而且佢而家响日本仲成日上雜誌、進駐埋西武、仲响唔同國家有售、揚名海外添~ 🎉

而 8 年前我開始做零售其實都係因為佢~ 做咗化妝十幾年，見盡咁多牌子化妝掃，但摸完佢套掃確實係有種 "嘩" 一聲、完全唔想放返低嘅感覺! 

當年知道佢唔做零售，我就寧願入貨送俾化妝學員當係課程贈品，成本高咗唔加學費亦在所不計要搶佢返嚟，就知我有幾愛佢啦! 然後送吓送吓多人問咗就變埋有零售了，自此我就冇再轉用其他牌子化妝掃喇~ (咁摸吓都會嘅，比較吓嘛)

而今次呢 set 新嘅「CMP 系列化妝掃」，係我揀選出嚟適合化妝新手使用嘅組合 set →

呢套入門版 "磨砂柄身 CMP set"，雖然以毛質計並非 Mizuho 嘅最高品質系列，但勝在以 quality 好嘅化妝掃計售價並唔算貴，約千幾蚊有一套，比起幾百蚊一支貴價掃算係性價比高，每支都係 made in Japan 由 30 幾位日本技師人手製造~

當然，又唔可以將佢同幾百蚊一套嘅平價化妝掃比較，嗰類化妝掃平係平，但一來唔係 hand made，二來 99% 係 OEM 大陸製，都唔知掃緊啲咩毛落塊面度喎! 梗係貴少少揀啲高 quality 嘅更安心啦~ 👍🏻

所謂貴精不貴多，係好嘅幾支都夠，等我略略講解一下佢哋嘅用法~

CMP505 圓頭山羊毛掃 →

除咗係一支胭脂掃，同時亦可作掃碎粉使用，掃毛 size 唔算太細，毛毛份量亦好豐滿一啲都唔少，掃頭邊沿位切割得一絲不苟，唔會好似平價掃嘅毛毛咁凹凹凸凸 / 高低不平 / 彎彎曲曲 / 鬆散凌亂，令到上粉份量同顏色唔均勻。  

CMP515 斜角羊毛掃 →

可用來掃胭脂粉 / 陰影粉 / 光影粉，屬百搭用途，毛質厚實，quality 同抓粉力同樣好，唔會鬆軟無力或太單薄抓唔實粉。 

CMP560 高質纖維毛遮瑕掃 →

呢支直頭係皇牌遮黑眼圈寶貝，呢幾年已經售出過幾千支!!

一般纖維毛遮瑕掃壽命係 2 年，而呢支 Mizuho 就算用多過 2 年，個掃頭邊沿位仍然都係扁扁平平如紙咁薄的，切割方面係我見過最好嘅質量，而且以纖維毛計係屬高品質，唔係用橙色 / 灰色 / 啡色等粗身纖維毛造，壽命較長之餘亦令遮瑕膏更貼服，唔易令眼底起紋~

至於點解遮黑眼圈要用遮瑕掃? 因為用手指印遮瑕膏係會好易壓出眼紋架，仲會好厚粉添! 所以化妝師當遮瑕掃係寶就係咁解~

而遮黑眼圈就一定要用下圖的大 size，因為太細支會有掃痕，好易遮到一達達，細 size 遮瑕掃係為遮淚溝 / 細暗瘡印而設的。

CMP527 松鼠毛重點碎粉掃  →

可作為重點定妝用途，如配合碎粉掃於眼周 / 鼻翼 / 唇邊定妝，同時亦可用來掃鼻影粉 / 鼻樑光影粉，屬百搭用途。

呢支毛質會比較鬆軟，就算掃响眼周 / 鼻翼呢類皮膚咁薄而 sensitive 嘅位置，都唔會有刺面感，掃出嘅色效亦唔會死死實實好厚粉 / 或掃到好乾咁~

CMP521 馬毛大號眼部輪廓掃 →

屬超多毛量、而又好厚實嘅一支百搭掃，仲可以乾濕兩用，配合眼影粉或眼影膏用都得~

同上圖支 CMP527 一樣可以用來掃鼻影粉 / 鼻樑光影粉，亦可以掃眼蓋位嘅陰影粉 / 眼影粉，同眉骨光影，用來掃咩就隨自己喜好了，呢支掃我教化妝班時係用得最多，一個妝裡邊至少出場幾次，一支可以頂到幾支掃用途~

CMP523 鼬鼠毛眼影掃 →

呢個 size 嘅眼影掃無需多介紹，係最 fit 東方人眼型大細嘅掃頭 size，基本上掃親眼影粉就一定會用到~

而鼬鼠毛特性係比較有彈力、掃毛更集中，適合用於眼褶位內 / 眼褶位附近上眼影粉，會冇咁容易飛粉跌粉，顏色亦更飽和顯色。 

CMP524 馬毛煙燻眼影掃 →

呢支 blending 掃對化開妝嘅人一定唔會陌生，用來化眼妝實用率係 100%，亦同樣係 Mizuho 嘅皇牌售出過幾千支!

佢除咗可以於畫完眼影後鬆開淡化個邊框，仲可以用來掃眼影粉或眼影膏 (可乾濕兩用)，以化妝新手計用佢嚟掃眼影粉，會冇咁易化到一達達同咁實框，色效亦會較 soft 較 natural，教個人化妝班時我亦大多建議新手用呢支~

CMP563 高質纖維毛錐形眼線掃 →

呢支咁特別嘅錐形眼線掃，其實係我幾年前 crossover Mizuho 設計的，纖維毛質亦係採用高 quality 毛毛製造~

而將佢設計成錐形，係因為畫出嘅眼線色效會更柔和，而且亦更易於控制畫到直線。唔用嚟畫眼線的話亦可作細 size 遮瑕掃用，遮斑點 / 暗瘡印 / 微絲血管等等。 

「CMP 系列入門版化妝掃」正價 $1880

只限現貨 10 套

Promotional price $1680 set

Facebook 郵購:

https://www.facebook.com/makeupsecret.hk/  

更多產品優惠 : 

https://makeupsecret.com.hk/products/