2017年6月5日 星期一

不含致害成份 + 可令頭髮更蓬鬆的「美國 Briogeo 人蔘豐盈系列」洗髮護髮產品

對於洗髮護髮產品含矽不合矽,老實講我並唔係太介意,一來自己對矽不過敏,二來因為頭髮經過多次漂染後損傷慘重,反而要用含矽的產品先至可以令頭髮更加順滑。

不過含矽的洗髮護髮產品嘛,眾所周知係唔可以掂到頭皮 (會阻塞毛囊),而且仲有部份人係對矽過敏,加上市面上好多洗頭水除咗矽之外,都有好多其他有害化學物,所以日日用都咪話唔緊要!

但係.....

嗰 d 天然成份 / 有機成份 / 冇致害物嘅洗髮產品,我曾經都試過好多,通常用完一支就會 bye bye,雖然心裡明白係對頭皮好,但係佢哋都有個共通點,就係因為成份太天然唔多夠潤,又起得唔夠多泡,洗頭洗得唔夠暢快,感覺上除咗天然之外就冇乜特別,亦唔覺得有咩修護效果,又賣得特別貴.....

但如果有成份天然 + 有特別效果嘅洗髮護髮產品,咁就唔同講法喇~



例如今次介紹呢款美國「Briogeo」就不含六大化學成份如 DEA、Silicones 矽、人造色素、Parabens 防腐劑、Sulfates 硫酸鹽、Phthalates 鄰苯二甲酸酯、起泡劑等,以 98% 天然成份製造,對於講究頭髮健康的人確實係唔錯嘅選擇~

而且呢個「人蔘豐盈系列」我剛剛試咗幾日,用完支洗頭水 / 護髮素又真係 feel 到頭髮無咁扁扁塌塌,反而可以令頭頂髮絲更加蓬鬆! 响夏天咁熱咁潮濕嘅天氣下用真係幫到手喎~

最緊要係雖然不含起泡劑,但都起到好多泡泡,同以前用過嗰 d 天然洗頭水好唔同,仲有淡淡檸檬橙花香氣~

至於支「人蔘豐盈噴霧」就除咗可以當 dry shampoo 用,仲可以當造型鹽水用,日間乾髮時噴上、再吹幾下頭就 ok,髮絲會即時變得蓬鬆輕盈而有力,更易於造型,好處係冇普通造型產品咁多 chemical,咁傷頭髮~

總括而言都覺得 Briogeo 呢個牌子幾唔錯,有驚喜!


產品資料 :

Briogeo「人蔘豐盈系列」

成份含麥芽糖糊精 + 人蔘 + 薑根 + 檸檬 + 金縷梅萃取物 + 維他命 B5 等,有效使細軟髮質變得更豐盈,平衡油脂分泌,解決頭髮黏立問題。持續使用可滋潤頭皮,增強血液循環,刺激毛囊促進頭髮生長,並減少脫髮。


洗髮水及護髮素各 $220 / 236ml
噴霧 $200 / 147ml @ 袁彌明生活百貨

(trial products given by Briogeo)

17 則留言:

  1. 我想問下CMP 510 纖維毛濕粉掃係咪唔會再出? 因為我見你地個網長期話缺貨中,
    另外想問下如果用光/陰影膏,應該用咩去推開佢?

    回覆刪除
    回覆
    1. 有出㗎,只係因為其他化妝掃仲有貨,只係得呢支 sold out, 所以要等埋其他化妝掃訂貨~ 另外光影陰影膏,除咗可以用濕粉掃推開,仲可以用手指或者濕粉撲印開~

      刪除
  2. Hi Isa, 請問輕熟肌,但已經有眼紋,夜晚用phyto lab眼精華霜覺得吾夠潤,請問有乜產品岩我用?

    另外,如果混合肌夜晚用緊phyto lab藍銅及b3,因為會開冷氣覺得乾,應該用phyto lab的精華水同精華面霜邊樣岩我用?定係兩樣都要用?還是你有更適合我的產品推介?

    回覆刪除
    回覆
    1. 請問phyto lab洗面同mask適合混合肌用嗎?

      刪除
    2. Phyto lab 眼部精華霜質地係比較輕薄的,所以我都係只當佢係眼部精華咁用,on top 可以加其他眼霜,例如nars 或 bobbi brown 的眼霜我都覺得好夠潤,或者 melvita 紅色嗰支抗衰老眼霜都幾好~ 另外夜晚搽完精華素之後,應該要補返面霜先至可以鎖住水份,單用精華素唔夠㗎,如果唔想太潤太油膩都可以用返 phyto lab, 如果要潤身少少可以試 watson's 有售的 eucerin 晚霜~ 另外 phyto lab 支洗面同 mask 係適合任何肌膚用, 所以混合肌都係會適合的~

      刪除
  3. Hello Isa, 我開始想用眼部抗衰老產品,因為眼尾有紋(特別係笑個時),有乜清爽的眼精華同眼霜岩我用?advanced night repair 眼精華會吾會太潤?

    回覆刪除
    回覆
    1. Advanced night repair eye 都唔算會太潤,如果年紀 over 25-26 都係可以嘗試的,但如果講到眼部抗衰老護膚品最勁嘅話,我 so far 試過最強都係之前拍片介紹過的 JanMarini~

      刪除
  4. Hi Isa, 請問你知吾知邊度有可靠的地方買到elta md防曬,我怕買左假貨,請問你會考慮係你間shop賣elta md的防曬及洗面嗎,如果你個度有得賣就吾洗擔心買到假貨啦~

    回覆刪除
    回覆
    1. Hihi~ 抱歉我唔知道邊度買 elta md 產品會比較安全呀,而公司又已經有其他防曬牌子,加上好快又會有 vidivici 防曬𠻹,所以 elta md 暫時應該唔會考慮住了~

      刪除
  5. Hi Isa, 請問你覺得olecule嘅產品如何?

    回覆刪除
    回覆
    1. Olecule 我淨係用過佢嘅精華油,算是不過不失,但佢其他產品我就未試過了~

      刪除
  6. Hi 請問有冇好既去角質產品介紹?and my skin is super dry, any good mask or sleeping mask that u can suggest? I m living in the USA so thinking to get it here

    回覆刪除
    回覆
    1. So far 認為去角質最好嘅產品係 HydroPeptide 的 anti wrinkle polish & plump peel set, 都係美國牌子,美國應該可輕易網購得到,如果平平哋都可以試試 St Ives 的 Apricot scrub, 粒子比較大但洗完面就都幾滑~ 另外 cream mask 的話 Jurlique 的 rose Moisture plus moisturising cream mask 都幾唔錯~

      刪除
  7. Hello 想請教一下,你介紹過的面霜: 兩款phyto Lab,Filorga同Endocare 邊款適合依家天氣用?(我29歲,混合性/外油內乾,毛孔粗大,無暗瘡) 謝謝!

    回覆刪除
    回覆
    1. Phyto lab 同 Filorga 都可以,如果鍾意清爽少少嘅質地就應該揀 phyto lab SRP 精華面霜,但如果夜晚有冷氣用就可能會覺得唔夠潤,咁就可以試一試 Filorga,視乎你平常朝頭早起身覺得塊面乾唔乾~

      刪除
  8. Isa, 請問有冇洗面產品岩混合性皮膚?

    回覆刪除
    回覆
    1. 我近呢 1-2 年都係用緊 phyto lab 支嬰柔潔面,感覺上冇咁乾,洗完面感覺冇咁粗糙~ 另外如果你本身塊面唔太乾的話,都可以試一試 shiseido white lucent clesnsing foam, 我以前都用過好多年~

      刪除