2016年5月24日 星期二

韓國化妝品 / skincare 購物篇 中女版

冇錯,又係「中女版」。

雖是以中女角度出發去揀,但其實當中佔大部份都係化妝品 / mask,並冇分年紀用,所以年輕肌亦 welcome ^^

另外人人都話去韓國必會買到破產,周街都係化妝品舖,價錢又平,引誘太大,好易顛買。

但其實諗真 d,有咩 HK 係冇呢? 韓貨網店多的是,值唔值得為了平少少特登托返 HK? 又或者貪新鮮買埋一堆自己根本無需要用的妝品? 

所以去前最好先做 research 過濾,口碑好而又平過 HK / 真係會用而唔係放櫃筒底 / 去到韓國試埋 tester 合適先好買! 錢幾時都要花得有價值~~



今次介紹的物品,全部都可於 "明洞"  次過掃齊。

一個明洞區,條條街都有 N 間妝品店,已經包攬晒所有韓國及外國牌子化妝品 / skincare,絕對唔需要去第二區,完全係女人天堂、男人地獄! 

除有妝品店,明洞區出名的餐廳 / 小食店都有好多,仲有甜品舖、coffee shop、百貨公司、酒吧、按摩店、真槍射靶場,真係乜都有,夠晒方便~


韓國必買「IOPE」→

大家對 IOPE 應該不陌生,HK 大把水貨,只係來來去去都係得 cushion 粉底 / cushion 胭脂 / 精華水之類的皇牌產品,仲要冇 tester 試。

而明洞就有超大間 IOPE 專門店,非常齊貨,仲可以任試任玩任影,化個全妝走都仲得! Sales 姐姐們都不會白眼,興奮度爆燈~

而且韓國出名 sample 送得闊綽,仲可以 "R" sample,例如今次我同朋友 4 人合共買了約 HKD5000 貨品,就送了 3 支 full size 卸妝水 + 化妝棉 + 大量 skincare sample。 

(best friend 又出場 ^^)


重點推介今季最新出的「Air Cushion Matte Long Wear」控油氣墊粉底 →

IOPE 氣墊粉底有幾出名大家知,但好用還好用,我已說過今季不會再買潤澤型 cushion 粉底,真係好唔適合 HK 夏天用。

至於新出這款「Air Cushion Matte Long Wear」則是為 summer 而設的 "清爽啞緻型" 氣墊粉底! 仲有 SPF50 PA+++ 防曬度,原價約 HKD280,promotion 折後只需約 HKD220! 

咁抵用真係無理由唔試!


$220 盒仲包 2 個粉芯,執到寶 ^^

即買即開即試,效果極好! 清爽啞緻唔反光之餘,遮瑕度又唔錯,唔厚妝夠 natural 又貼面,粉抓得好實,超正! 

至於持久度在韓國用就 last 到 7 個鐘,HK 雖然潮濕 d 都 keep 到 5-6 個鐘,已算不俗。

唯一缺點就係鼻翼位會有少少乾,及用耐左會有少少繃緊,始終係啞緻控油效果,一定會乾 d,推介俾偏油肌 / 混合肌夏天用 (dry skin 請迴避)~


另一乾性肌推介「IOPE Super Vita Extra Moist Foundation」→

屬補濕型粉底液,雖叫 "Extra Moist",但其實只係 liquid 質地,不含蠟質,並唔會過潤 / 過厚 / 油膩,HK 天氣用一流,皮膚乾的人連夏天都用到,秋冬都用得~

原價 HKD330,promotion 折後 HKD260,抵到爛!

二百幾蚊支專櫃牌子粉底,仲要好好用個隻喎,HK 絕對搵唔到啦~


持久度在韓國用就 last 到 6 個鐘左右,勁貼面勁 natural,成份更有 Omega 脂肪酸,夠補濕又唔會反晒光,有少少天然光感又柔滑,好正! 

我試完後第 2 日即刻叫 best friend 返轉頭買多支~

不過 HK 始終潮濕 d,表現如何就等我試清楚先再分享吧~


另一款最新的「Perfect Skin Foundation」粉底液 →

其實呢支都唔錯,大致上同上面支 Super Vita Extra Moist 一樣,但我嫌佢太薄、太低遮瑕度,所以冇買。


唇色方面就買了「Tinted Liquid Rouge」唇膏液 →

原價約 HKD160,promotion 折後約 HKD130,都係好平~


#01 透明 Shimmering Lip Oil (其實一 d 都唔閃,我當透明 lip gloss 用)

#07 Romantic Pink  (淡暗粉色,質感唔厚唔油膩,有點似 YSL 但更薄更貼唇)

好值得買!


仲有就係呢款「Bio Essence Facial Mask」面膜 →

屬 gel mask 面膜一類,係我用過最薄、最補濕、最貼面、最好用的 gel sheet mask! 

IOPE 支「Bio Essence 精華水」係皇牌產品,就好比 SK-II 的神仙水,而呢款 mask 就係同系列精華水的濃縮版,效果激讚! 好後悔冇買多幾盒!

原價約 HKD160 盒 / 5 片,promotion 折後約 HKD130,都係算平,圍返起 $26 片~


成日話 promotion,即係咩 promotion?

剛好去的時候 IOPE 做緊優惠,只需買 1 支皇牌「Bio Essence 精華水」(折後不用 HKD 300),就全單 8 折。有朋友買了 1 支送媽咪做手信,於是人人受惠有 8 折~

(這類 promotion 我覺得佢根本係日日有,無擇日)


最後呢盒 lip palette化妝師 out job 用一流! →

不過我就冇買了,因為 out job 個化妝箱已經收埋幾十支唇膏......


終於講完 IOPE,move on 去另一間「primera」護膚品店 →

同樣可在明洞找到。


「primera」主 sell 純天然植物成份護膚品,好多 HK 網店都有售它的產品,亦算有名氣~


而較出名的就這款 "不經漂白有機純綿面膜" paper mask →

有好幾款選擇,如美白 / 緊緻毛孔等等,問過 sales 姐姐話最好用就這款「Moist-Up」補濕面膜,價錢亦不貴,約幾十蚊盒 / 5 片。

紙質的確係比普通 paper mask 厚身、柔軟、貼面好多倍,手感好之餘效果亦夠補濕,而且又平,唔錯唔錯~

不過我就嫌佢實在太香了! (係天然植物香料,但仲香過人工香料,香到攻鼻)

所以認為可以慳返唔買,寧願補貼少少買多盒 IOPE Bio Essence Mask 好過!


輪到冇人唔識的「Banila Co.」→

HK 都有啦,點解仲要買?

減價嘛~~

Eye Makeup Remover 孖裝都只係 HKD85!


至於呢盒「banila co. 氣墊眼線膏」→

我冇留意過 HK 有冇出售,又見冇咩人提起,加上韓國剛新出了限量色 "啡紅",best friend 又大力推介,所以買來試試。約 HKD90-100 左右 (連掃)

說穿了其實係普通眼線膏 "加多左個網"。

在韓國時天氣清爽用都算 ok 防溶,但返到 HK 天氣潮濕就捱唔過 1 日, 約 6 個鐘後已見到有少少溶化落眼底,所以不建議大家買了。(我估 best friend 高度讚賞係因為佢雙眼比較乾、冇乜油?)

另外仲見到有「氣墊眉膏」,好想買埋,可惜冇我要的顏色,慳返~


至於韓國周街都有的「OLIVE YOUNG」妝品店 

就好似 HK SaSa 咁,非常值得行一轉,真係乜都有,有排玩~

同 SaSa 一樣有分大舖 / 細舖,要行當然揀間大的行。


裡邊除有多個韓國開架品牌 / 外國開架品牌外.....


Skincare 品牌都有好多,全部有 tester 任試,主要賣中平價品~


佔 6-7 成都係年輕肌品牌,而且韓國 skincare 好多質地都較清爽,中女 dry skin 未必會合心意,除非只係想求其買 d 補濕品搽搽。

當中比較有名的開架品牌「Mamonde」→

有多個系列,試勻質地最好的就係下圖 Rose Water / Moisture 補濕系列,粉紅色 packing 好易認~ 

但我就冇買了,都說過中女要求不止補濕咁簡單。純絮補濕一下、冇特別效果、冇乜 gimmack 的我又睇唔上眼.....


所以都係主攻「Dr. Jart+」→

玩了 30 mins,起先好想買最皇牌的 "V7" 七種維他命美白系列,結果冇買到,係因為.....

HK 買水貨仲平! 平成百蚊喎! 梗係唔買啦.....


最後買了「Ceramidin Oil Balm」分子酊急救潤膚膏 →

約 HKD240,都只係比 HK 平 $20 左右.... oh well.... 純絮出於唔忿氣冇買到 V7 面霜,而改買其他的心態 haha~

不過呢樽 Oil Balm 又的確係好用,二百幾蚊亦值得試!

佢係 balm to oil 配方,似豬油膏但一 d 都唔油膩,快吸收又清爽 (爽到唔覺得有搽過油),完全係 "想用精華油但又怕油淋淋" 的人之必試項目,係搽面 / 搽手 / 搽敏感 / 搽嘴 / 搽主婦手 / 甩皮用等等乜都得的萬用膏,更不會阻塞毛孔 / 導致生粒粒~

乾性肌必買~


「OLIVE YOUNG」還買了這條「防寒背帶」→

我經常寒背,想買這類背帶於屋企著好耐,但 HK 見到的都太大條,而這款就比較細,正合心意,約 HKD90,抵買~

有冇用呢? 

係好有用! 只不過勒住手臂位會有 d 緊,其實係有 size 分,不過我見只有 size S.....下次去韓國見到真係要買返條 size M 先得!

另外仲有試埋韓國最出名的「當歸 M 巾」,平平無奇,HK SaSa 都有,可以不買。


Best friend 推介的「mise」髮尾油 →

「OLIVE YOUNG」做緊特價 HKD85 套,的確係正,又香又清爽,髮尾開叉 / 髮質乾罕的人可一試~


同牌子護髮素 →

呢支係 best friend 送的,佢話好好用~

(特登塞入行李由 HK 帶去韓國俾我試,真有心)

但我仲未試,用完再分享效果~


仲有買了嘴唇專用的「Cocoa Butter」凡士林 →

呢款 HK 應該都有,但未必間間有? 真係冇考究....

反正晚晚要用,順手買埋,約 HKD26。

認為用佢搽嘴好過普通凡士林 / tube 裝凡士林 / 鐵罐裝凡士林好多~


韓牌「RYO 呂」洗頭水 / 護髮素又係超出名 →

HK 都有好多,唔需要刻意於韓國買,純絮係因為冇帶洗頭水所以買支 travel size。

在 HK 我已用過,咁又真係好用過 HK 品牌既.....


部份大型「OLIVE YOUNG」內仲有 mini 直髮板 / 捲髮棒出售 →

睇來韓妹子真係好著重髮型,勁多款式又 colorful!


連迷你波浪髮夾都有,好 cute cute! →

不過好唔好用就唔知了....


另外仲有買「D.I.Y Cushion Container」→

約 HKD 幾十蚊


可以自己倒粉底液入去自製 Cushion 粉底~


不過仲未諗到倒邊支 foundation 入去,暫時放住先。


輪到好多 HK 人會逛、極多分店的「ARITAUM」妝品店 →

「ARITAUM」匯集了韓國較著名之化妝品 / skincare 牌子,如 IOPE / 韓律 / LANEIGE 之類,但並非全部齊貨,只會賣該品牌的最暢銷品,價錢同專門店一樣,discount 亦相差無幾,因為專門店好多時都同樣有折。

建議只逛一下、知道今期 hit d 咩就好,要買就去返專門店,因為於「ARITAUM」買野送的贈品 sample 是 random 韓牌,完全唔知係咩,同埋都幾 hard sell。

例如買 IOPE 就梗係想佢送返 IOPE 產品 sample 啦,所以去專門店買好過。

(忘記影相,下圖 copy 自 travelnote.hk)


於「ARITAUM」買的 MODI soak off gel 甲油 →

有幾十隻色揀,約 HKD66,平過 HK 好多! 

屬非常抵買產品! (如果你有自己整開 soft gel 甲的話)


仲有呢款陰影粉 →

深淺兩色同樣都係陰影 (冇光影),約 HKD66,好抵玩~

平就夠平,但唔算太出色,不過點都好過 3CE。


明洞街上隱形眼鏡舖 (有好多間) 買到的 color con "大眼仔" →

約 HKD 200 幾盒 / 15 對,只比 HK 平少少,不過就有 N 個牌子幾十款選擇,日 con / 月 con / 6 個月 con 乜都齊,花款 / 顏色多到嚇親!

純絮見屋企 color con 用晒,順手買來 try try。


新世紀「SHINSEGAE」百貨 →

同樣於明洞,只係要過條馬路。

就如 Sogo 一樣,是間十幾層高乜都有的百貨公司,basement 超市非常值得逛~


Ground floor 是化妝品部,所有韓國 / 國際化妝護膚品牌都有,例如雪花秀、后、HERA、IOPE、VIDIVICI、Chanel、Dior、YSL、Shu Uemura、NARS 等等。


第一站是陪 best friend 去買 VIDIVICI →

雖然 HK 都有專櫃,但韓國又真係更多新貨、更平。 (約為香港的 7-8 折)


Best friend 買的「UV Essence Veil」SPF50 PA+++ 防曬霜,約 HKD 390 →

本來係專程去買皇牌「Light Treatment」打底霜的,不過 sales 姐姐話剛已停產,唯有改買「UV Essence Veil」。

Btw,下圖防曬霜 / Skin illumination 珠光 base 等,剛剛已改晒全新 packing。


買 1 支防曬,仲要笑住送你洗面膏 + 一包二包 sample,HK 點會有! (唔嫌你買得少已偷笑)


Chanel ROUGE COCO STYLO 唇膏 →

原本只係陪 best friend 去買,佢話這支 #216 顏色 HK 賣到斷晒貨,兼有長長 wait list。見佢搽完上嘴好靚好水潤,自己又試,結果買埋。

約 HKD 260,同香港差唔多價錢,只係香港呢隻色冇貨咁解。


雪花秀「與潤面膜」皇牌 sleeping mask 是給媽媽的手信 →

約 HKD320,仲貴過 HK 買水貨! 這支 sleeping mask 於 yahoo 拍賣網只需二百幾! 勝在叫做有 sample 送....

Key point 係母親大人指明要買,仲驚死我唔記得,特登 facebook 留言再次提醒我記住買,話鐘意佢陣人蔘味~  (我真係有諗過返到 HK 買俾佢算)

所以不建議去韓國買雪花香,除非貪有贈品 (例如買 2 支會送 full size 洗面皂),否則香港買水貨會仲抵。


於 Watson's 內的開架化妝品牌「I'M MEME」→

完全經濟實惠,仲要有 discount,折後每件只需幾十至一百左右!


眼影粉質地相當唔錯 →


眼影打底筆直頭同 Laura Mercier / Bobbi Brown 之類冇乜分別! →

折後只需 HKD 55!


買了 2 隻色,又出色又夠防溶~


眉筆又係好正,絕對可媲美 Shu Uemura / Bobbi Brown,仲有 4 款色揀~ 

(可惜碰巧好多色都 sold out)


去韓國一定要記住買佢試試~


Watson's 內另一開架化妝品牌「CATRICE」→

第一眼望到呢盒 HKD 100 有找的光暗影粉,爭 d 買左.....


仲有幾十蚊盒的 5 色遮瑕膏,好正.....


胭脂 palette 又一盒 3 隻色,好方便,又係幾十蚊! →

最終全部冇買,係因為...... made in China! 即刻放返低。

冇理由去韓國唔揀 made in Korea 嘛~

另外我都見到有妝品店賣「April Skin」,但仲貴過 HK,真神奇,別在韓國買。


最後,這篇文所有 list 的價錢都係未扣稅的,扣埋稅之後仲再平少少而 IOPE 專門店 / 新世紀百貨部份牌子可以埋單即時扣稅,即無需於機場攪扣稅,好方便~

記住要一張單買夠 KRW30000 = HKD198 先可以退稅,同埋唔係間間有退稅服務。


未有時間去韓國? 冇緊要~

大部份介紹過的產品在 HK 水貨網店s 都有出售,只係冇韓國咁平咁解。



9 則留言:

  1. Oh... i love the lip pallet! Roughly how much?

    回覆刪除
    回覆
    1. 如冇記錯折後大約是三百幾蚊,係抵的,但顏色以深色為主,淺色唔夠多,除非會經常用深紅、桃紅、啡紅等顏色,否則可以 pass~

      刪除
  2. 請問IOPE 同 April Skin 兩隻氣墊粉底,邊隻持久度及遮瑕度好D?

    回覆刪除
    回覆
    1. April Skin 黑盒遮瑕度同持久度都會高過 IOPE, IOPE 會薄身小小,所以持久度同遮瑕度相對都會低 dd,如果唔多瑕疵要遮其實都夠用嘅~

      刪除
  3. Hi ,請問痘肌適合用sleeping mask ma ?

    回覆刪除
    回覆
    1. 不適合~ 但可用 ettusais 的晚間防衛護膚粉取代, 就類似是粉狀 sleeping mask: http://www.ettusais.com.tw/product_medicated_list.php 很久之前有介紹過 (尾段): http://www.am730.com.hk/column-214952

      刪除
  4. 請問D.I.Y Cushion Container係咪就咁倒平日用既foundation入去就得???
    同埋想問下vidivici有咩必買(暫定會買碎粉)??

    回覆刪除
  5. 韓國好多化妝護膚品都好用又平,去韓國好弘野都一定會買,hera、primera、son&park、banila co
    覺得primera好好,我敏感肌用的話,兩邊面紅的地方會自己慢慢變返無咁紅

    回覆刪除
  6. 你好! 我平日只會用 HERA BB CUSHION C21 出街, 沒有化妝, 喜歡少少光澤, 想試下用IOPE CUSHION, 請問哪一款較適合自己?
    另外, 我也40多歲了蘋果肌有D雀斑, 皮膚是屬混合肌, 不過去年冬天發現皮膚出現較乾的情況, 我除了選用保濕用品以外, 還用甚麼呢? 請幫忙介紹一下. 謝謝

    回覆刪除