Maquillage 10 周年限定雙色唇膏!

唇膏這回事，我日日都會用，不搽總好像缺少了什麼，而且年紀愈大，不搽唇膏望上去總不夠精神，少了點血色。

但根據非官方統計，原來大部分女性都只 enjoy 購買唇膏，見到 packing 靚 / 有新色就會買，買到返去卻大有可能只用幾次就放低! (好浪費呀) 

如果你也屬懶用唇膏 / 少用唇膏 / 貪新鮮花心一族，咁就要留意 Shiseido Maquillage 新出的 "10 周年限定雙色唇膏" 喇~~

(trial products given by Maquillage)

點解呢?

因為每支已經有一深一淺 2 隻色，淡妝濃妝都照顧到，對少化妝 / 懶搽唇膏的人而言，一支已等於 2 支，無需花費買太多顏色，同時又可以滿足到花心的人~

(下列部份圖片 copy 自官網)

愛化韓式咬唇妝的，更可以先搽淺色、再在唇部中央搽深色，夠晒方便~

10 周年限定色 total 有 6 款，個人喜好為 #40 / #50 / #60 號色~

來望望真身 →

#60 號色玫瑰粉紅

單搽一層 #60 淺色的效果 →

屬頗自然的淡粉色調~

不得不提質地是相當滋潤! 有仿如 lip gloss 般的光澤感，就是透過相片都能 feel 到~

再在唇部中央加搽一層深色的效果 →

其實也不算太深色，跟官網圖有點色差，反而覺得實物搽出來的顏色比官網圖更靚~

至於持久度，大約能 keep 3-4 小時左右，我教班前搽上、3 小時後落堂、返到屋企仲見到有色。

再試新出的 Lip Treatment 潤唇膏 → 

除了 packing 超靚之外，初初打開並不覺得有何特別，而且試上唇仲覺得質感好薄.....

咁薄，我個嘴咁乾用真係得咩?

定係只適合用來搽唇膏前打底呢?

點知.....

原來好有料到!

如此薄的一層，竟足以令我的爆裂唇 keep 住滋潤感 2-3 小時! 

以薄身的潤唇膏來說算稱霸了吧? 薄得來真的好潤好 long lasting! 而且仲有種水噹噹潤澤豐唇效果，可以告別 lip gloss~

再望埋 10 周年限定的胭脂膏 / 香水膏 (兩用) →

紅色那邊是胭脂膏，望上去雖然好紅，但實際搽上後頗為 natural，不會太深色。

而白色那邊則為香水膏，超香超香超香! 係女仔都一定會鐘意的香氣~

包裝仲要勁靚! Size 小巧精緻，方便外攜 →

不過那紅色胭脂膏我試過了，可能質感太潤，一印上臉頰就好容易溶化底妝，效果一般，反而用來當唇膏用會仲好~

而香水膏那邊，香味簡直清香到冇朋友，搽完後自己會迷上自己那種! hahaha~