laser 打斑失望而回? + 第 X 次打透明質酸針報告

別誤會, 我並非指做 laser 失敗了 ^^

而係未做, 已經被醫生叫我折返! 哈哈哈~

但從另一角度想, 慶幸醫生真的夠專業, 不想今次賺我錢, hehe~

究竟發生什麼事呢?~


我臉上一向有雀斑, 5-6 年前做過 3 次彩光後, 雀斑本來已減淡 7-8 成. 不過 2 年前生完妹妹後, 雀斑色素又再次加深, 仲要多了荷爾蒙斑 (產後女性常有)....

如果你問我有沒有 skincare 能淡斑?

我勸大家可以死心了, 多年來我經已試過 N 款淡斑精華, 全都不能真正淡斑, 只能當作是預防色斑加深用途罷了. 所以打彩光 / laser 必定是最快見效 + 最有效的!

平常化妝都遮到色斑, 未算嚴重, 卻不打算等到無藥可救時才去打斑, 希望襯早 K.O:

卸妝後就變這樣..... 

我的雀斑只屬淺層散斑, 真正困擾我的, 是臉頰正中的荷爾蒙斑, 兩邊臉都有.....

由於淺層雀斑 / 深層荷爾蒙斑各自需要打的波長有別, 如只打彩光, 雀斑沒錯是會減淡, 但同時亦會令荷爾蒙斑色素浮上面層加深! 所以我的 case 選擇打 laser 是必然的, 沒理由打完彩光又打 laser 嘛....

而且我知道荷爾蒙斑是較難 K.O 的, 稍有不慎, 隨時有機會加深, 又麻煩又講求醫生經驗, 好苦惱....

考慮了超長時間, 最終決定去 "Oasis Medical Centre" 打斑, 皆因:

上年去別處打透明質酸針時 (打眼底泵漲淚溝位, 等黑眼圈易遮 d), 閑談間我告訴醫生自己數月前做過瘦面 treatment, 認為效果不錯, 醫生便問我在那間做....

"Oasis Medical 喔..."

"哦, 我知邊間"

"你又知??"

"佢地做好多打斑 treatment 的...."

咦~咦~! 睇來 Oasis Medical 似乎在行內打斑都頗有名氣??

隨後我 browse 過 Oasis Medical website, 見到有款 "Spectra 分段激光淡斑 treatment", 會分部位及波長全臉打斑兼美白, 一個價錢可同時 K.O 雀斑 + 荷爾蒙斑, 好 fit 我需求, 所以就決定揀它了~

(打斑價錢: $1900 美容師打 / $2900 醫生打)

為免我的荷爾蒙斑出事, of coz 揀醫生打最穩陣!

Book 完、去到、自己卸好妝、入房坐低準備打斑, 滿心期待....

點知醫生一見到我卸妝後皮膚狀態, 就叫我返歸! hahahaha~


我本身皮膚薄 + 乾 + 易紅 + 易敏感, 平時自己掂一掂塊面都會紅, 這些我都知道的. 當日即場用 cleansing water 抹臉摩擦過後, 就更紅上加紅、乾上加乾了, 仲要出埋 "風懶"....

醫生說以我現時的皮膚狀態, 做完 laser 後好大機會因乾到爆燈而敏感, 所以就叫我先回去勤敷 mask + 加強補濕, 打好底子, 2-3 星期後先再做 laser.

只好嘆句自己皮膚不爭氣.....


當然明白醫生是為我設想, 但山長水遠去到 (中環), 又 book 了時間, 不甘心就此告終!

所以把心一橫....

"醫生, 你呢度有冇 Restylane 打? 如果有, 請即打!"

嘻嘻~ 果然誓死不罷休~

話說上年去另一間 medical centre 打淚溝位時, 那位醫生不肯幫我打鼻樑, 仲問我 "你個鼻好扁咩而家?”, 我就不好意思沒打了....

襯今次意外地冇得做 laser, 就求這位醫生幫我改打鼻樑 Restylane, 不過他都同樣猶疑地問我 "邊度有位打呢?"

哎呀醫生, 女人是貪心的, 你到底明不明~ 呵呵呵~


before & after 對比圖

(左) 我鼻樑本身不扁, 只係中間有起節, 求醫生幫我填平返那個節
(右) 注射後翌日, 鼻樑中間個節 bye bye, 變直及高了一點, 又不太過份

打完 Restylane, 醫生說開一支針, 只打那麼一丁點份量會不會太浪費....

(會喔醫生, 那你可以把剩餘的量留我下次用嗎? hahaha.... 當然是不可以的 ^^)

所謂 "微整型", 不就是微整嘛, 整得太勁就不叫 "微" 了~


P.S. 醫生手勢也不錯, 打完後沒紅沒腫亦沒瘀~

關於 Restylane 透明質酸針:

"透明質酸針" 主要是用來打鼻樑 / 虎紋 / 淚溝 / 蘋果肌位等, 任何自覺凹陷或不夠飽滿的位置. (Restylane 亦有分補濕針, 不過那是另一款針了)

而 Restylane 可說是最出名的透明質酸針牌子名, 一般找有經驗或名氣的醫生注射, 一針一人用有晒 label, 價錢約 $6000-8000 不等 (我今次是 $6000), 視乎所需注射容量 + 範圍大小, e.g 鼻樑 / 淚溝 / 虎紋約幾千. 如該部位所需注射份量不多, 有剩的你也可以揀一針打多個位置, 但可能要加錢. (有朋友試過打胸盛惠 9 萬! 滴汗!)

至於有的廣告上指 around $3000 的透明質酸針, 有可能是用別的品牌, 或一針分幾人用 (只換針頭), 或去到才告訴你要加錢, 或其醫生只屬 part-time 形式, 本身只是普通診所醫生, 並非專業皮膚醫生等等.

平均打一次 Restylane 可 last 4-9 個月, 第 1-2 次每次約可 last 4-6 個月, 第 3 次開始約可 last 6-9 個月. 官方指會慢慢被人體吸收分解 (無害的), 不經意的逐漸流失. 但實情是每打完一次, 過幾個月還原之後, 都仲會有丁點剩低, 所以只需打多幾次, 幾乎幾年都不需再打~

注射痛楚極輕微, 現時新型的 Restylane 成份已包含麻醉藥. 打完後即時見效, 即日已可化妝.


我的注射 Restylane history:

7 年間曾經打過鼻樑 4 次 + 虎紋 3 次 + 淚溝位 1 次

鼻樑對上一次打已經係 3 年前, 虎紋 / 淚溝位則是上年打過.

完全不怕公開, 以前在舊 blog 已 share 過幾次, 好 common, 都是自費的.

要注意的是, 鼻樑基本上所有醫生都能打得好, 只相差在手勢, 打完會不會瘀腫, 但散瘀後並不影響外觀. 不過虎紋 / 淚溝位, 就並非所有醫生都能打得靚, 真的好講經驗 + 資歷! 別貪平!

以我認為, 如有嚴重眼袋 / 凹陷淚溝位的, 非常值得打 Restylane, 打完真的會平復好多, 化妝遮黑眼圈會變得超 easy! 連遮瑕膏都慳好多!~

bye bye 淚溝之後, 個人望上去真係相差好遠 ga! (虎紋都係!)

還有還有! 如果嫌自己鼻翼太大 / 太寬, 可打 botox 在鼻翼位輕微收窄, 超美的! 我幾年前試過一次, 勁開心! 

只不過自從妹妹出世了後, 湊住 2 個小朋友太忙, 我就被迫自甘墮落, 少了打這些玩意了.....